Вчера во Основното училиште „Св. Кирил и Методиј“ во Битола одржавме едукативна работилница со учениците од четврто одделение, на која преку игра и забава учевме за природата на Преспа.
Учениците со голем интерес и ентузијазам ја играа друштвената игра „Преспа“, создадена со цел да го поттикне нивното знаење и љубопитност за растителните и животинските видови, како и за природните живеалишта во регионот.
Преку оваа интерактивна игра, децата имаа можност да се стават во улога на млади еколози, да решаваат предизвици и да откриваат интересни факти за уникатниот биодиверзитет на прекуграничниот Преспански регион.
Оваа едукативна активност беше реализирана како дел од „Проект ПреспаНЕТ III – зачувување на биолошката разновидност на прекугранична Преспа“, поддржан од Prespa Ohrid Nature Trust (PONT), Фондацијата Aage V. Jensen и EuroNatur.
