Под ова мото денес, 27 август, Обединетите Нации го одбележуваат Светскиот ден на езерата, потсетувајќи нè на нивната клучна улога во одржувањето на биодиверзитетот како живеалиште за безброј видови риби, растенија и див свет. Дополнително, езерата обезбедуваат рекреативни и економски можности што ги поддржуваат локалните заедници.
Но, езерата се погодени од комбинација на прекумерна употреба на нивните води, загадување и климатски промени. Загадувањето на езерата често е предизвикано од прилив од отпадни материи, ѓубрива, загадувачи и цврст отпад што се фрлаат директно или се испуштаат во езерата преку реките.
Нивото на водата во езерата, исто така, драматично се менува под влијание на климатските промени. Високите температури го зголемуваат испарувањето, додека намалените врнежи од дожд го нарушуваат природното обновување. Ова го загрозува водниот свет и екосистемите што зависат од езерските води.
Затоа, време е да ја повториме нашата заложба – да делуваме за да ги заштитиме езерата и целиот живот што зависи од нив!
