На 28 јули го одбележавме Светскиот ден за заштита на природата (World Nature Conservation Day), кој нè потсетува на нашата заедничка одговорност да го чуваме и заштитувано природното наследство на Земјата – а нема подобар начин да се прослави овој ден од учење во природа, за природата. Токму на овој датум започна и нашата Прекугранична летна школа за млади еколози во Преспа.
Во текот на пет дена, учесниците – студенти, млади истражувачи и љубители на природата од Грција, Северна Македонија и Албанија – ќе ја истражуваат уникатната биолошка разновидност и предизвиците за нејзина заштита во овој прекуграничен регион, со посебен фокус на еден од највредните и најзагрозени екосистеми во Преспа – влажните живеалишта.
Преку теренска работа, дискусии со експерти и директно соочување со природата, ја обучуваме новата генерација чувари на Преспа – водени од споделеното знаење и соработка на прекуграничната мрежа ПреспаНет.
