На 26 август, во пресрет на Светскиот ден на езерата, ве покануваме на градскиот плоштад во Ресен заедно да ја прославиме Преспа на јавната манифестација „Мојот дел од природата“.
🕕 ПРОГРАМА
18:00 | Отворање на настанот
- Воведно обраќање на Јован Тозиевски, градоначалник на Општина Ресен
- Воведно обраќање на Робертина Брајаноска, извршна директорка на Македонското еколошко друштво
18:15 | Потпишување на Декларација за основање на Прекугранична работна група за шуми
18:30 | Панел-дискусија
„Зачувување и одржливо управување со природното наследство на Преспа“
Во разговорот ќе учествуваат:
• Ајман Ал Малла, раководител на Секторот за животна средина при Општина Ресен
• Андон Бојаџи, раководител на Одделението за заштита на природата при ЈУ Национален парк „Галичица“
• Драган Арсовски, раководител на Програмата за знаење и наука при Македонското еколошко друштво
• Маријана Милевска, проектна менаџерка во Програмата за развој на Обединетите нации (УНДП) за проектот „ЕУ за Преспа“
А покрај разговорите – Преспа ќе ја доживееме и преку она што го создаваат луѓето кои живеат тука.
🍎 Штандовска презентација на локални производи
🎲 Натпревар во друштвената игра „Преспа“
🎶 20:30 | Музичка вечер
Вечерта ја започнуваме со автентична староградска музика со групата „Персиди“, а потоа продолжуваме со добро познатиот локален рок бенд „Пуш Пауза“.
Дојдете да се сретнеме, да разговараме, да се забавуваме и заедно да ја прославиме природата што нè опкружува.
Затоа што Преспа е наша – и секој од нас има свој дел од природата. 💙
Настанот се организира во рамки на проектот „Иницијатива за зелена и сина Преспа – Зајакнување на заштитата преку истражување, едукација и комуникација“, финансиран од Европската Унија во рамки на програмата „ЕУ за Преспа“ и кофинансиран преку Фондот за природа „Преспа – Охрид“ (ПОНТ). Партнери во имплементацијата на проектот се Македонско еколошко друштво, Општина Ресен, Националниот парк „Галичица“, Друштвото за заштита на Преспа (SPP) од Република Грција и Друштвото за заштита и зачувување на природната средина во Албанија (PPNEA) од Република Албанија. Имплементацијата на проектните активности е поддржана од Министерството за животна средина и просторно планирање на Република Северна Македонија и Националниот парк „Пелистер“.
