На 26 август, со почеток во 18:00 часот, на градскиот плоштад во Ресен нѐ очекува јавната манифестација „Мојот дел од природата“, која ја организираме во соработка со Општина Ресен и Националниот парк „Галичица“.
Заедно ќе разговараме за состојбата и предизвиците во заштитата на природата, биолошката разновидност и животната средина во Преспа, ќе проследиме забавни едукативни активности, ќе ги запознаеме локалните производи и богатства што ги нуди природата, а вечерта ќе ја заокружиме со автентична ресенска музичка програма.
Но, дел од активностите започнуваат и порано!
Со цел нашата научно-истражувачка работа на дивиот свет во Преспа да ја доближиме до граѓаните, организираме и две теренски посети со граѓанско учество:
🐦 Набљудување на птици
📅 25 август 2026 (вторник) | 🕔 17:00 часот
🐢 Мониторинг на желки
📅 26 август 2026 (среда) | 🕗 08:00 часот
Пријавете го вашето учество во теренските посети на следниот линк, најдоцна до 19 август: https://forms.gle/EzzvwMdmduemPfQt7
Сите заедно, потоа се гледаме на 26 август на плоштадот во Ресен! Придружете ни се!
Настанот се организира во рамки на проектот „Иницијатива за зелена и сина Преспа - Зајакнување на заштитата преку истражување, едукација и комуникација“, финансиран од Европската Унија (ЕУ) во рамки на програмата „ЕУ за Преспа“ и кофинансиран преку Фондот за природа „Преспа - Охрид“ (ПОНТ). Партнери во имплементацијата на проектот се Македонско еколошко друштво, Општина Ресен, Националниот парк „Галичица“, Друштвото за заштита на Преспа (SPP) од Република Грција и Друштвото за заштита и зачувување на природната средина во Албанија (PPNEA) од Република Албанија. Имплементацијата на проектните активности е поддржана од Министерството за животна средина и просторно планирање на Република Северна Македонија и Националниот парк „Пелистер“.
